Home විදෙස් පුවත් හොංකොං මානව හිමිකම් ක්‍රියාකාරිනිය අත්අඩංගුවට ගැනීම එ.ජා. අවධානයට

හොංකොං මානව හිමිකම් ක්‍රියාකාරිනිය අත්අඩංගුවට ගැනීම එ.ජා. අවධානයට

by Hela news

හොංකොංහි මානව හිමිකම් සුරැකීමේ කටයුතුවල නියුතු නීතිඥවරියක සහ ප්‍රජාතන්ත්‍රවාදී සමාජ ක්‍රියාකාරිනියක වන චෝව් හැං ටැන් රජයට එරෙහිව ජනතාව උසිගැන්වීමේ සහ විදේශ නියෝජිතයකු ලෙස කටයුතු කිරීමේ චෝදනා මත අත්අඩංගුවට ගැනීම පිළිබඳ එක්සත් ජාතීන්ගේ සංවිධානයේ ස්වාධීන මානව හිමිකම් විශේෂඥයන්ගේ දැඩි අවධානයට ලක් වී ඇත.

පසුගිය මාසයේ 8 වැනිදා ඇය අත්අඩංගුවට පත් වූයේ වසර 1989 ටියැනන්මන් චතුරස්‍රයේදී පැවැති විරෝධතාව සිහිකිරීමට වාර්ෂික ඉටිපන්දම් දැල්වීමේ කටයුතුවල නිරතව සිටියදීය. ඇය ඇතුළු තවත් සමාජ ක්‍රියාකාරුවන් රැසක් එහිදී පොලිසිය විසින් අත්අඩංගුවට ගනු ලැබුවේ ජාතික ආරක්ෂක පනත යටතේය.

මේ පනත පසුගිය ජූනි මාසයේදී චීන පාර්ලිමේන්තුවේ සම්මත වූයේ හොංකොංහි සමස්ත ක්‍රියාකාරකම් සම්බන්ධව අවශ්‍ය පියවර ගැනීමේ බලතල චීනයට පවරා දෙමිනි.

අදහස් ප්‍රකාශ කිරීමේ නිදහස, සාමාකාමීව රැස්වීමේ නිදහස සහ මහජන කටයුතුවලට සහභාගි වීමේ අයිතිය ඇතුළු අන්තර්ජාතික නීතිය යටතේ ආරක්ෂා කර ඇති මූලික අයිතිවාසිකම් රැසක් ක්‍රියාත්මක කිරීම වැළැක්වීම චීනය මේ පනත අනිසි ලෙස භාවිත කරන බවට චෝදනා එල්ල වී තිබේ.

0 comment
0

Related Posts

Leave a Comment