Home උණුසුම් පුවත් හදිසි නීති හා මුදල් සංශෝධන පනත්වලට ජවිපෙ විරුද්ධයි

හදිසි නීති හා මුදල් සංශෝධන පනත්වලට ජවිපෙ විරුද්ධයි

by Hela news

පාර්ලිමේන්තුවේදී අද (06 වැනිදා) සහ හෙට (07 වැනිදා) විවාදයට ගැනෙන හදිසි නීතිය ප‍්‍රකාශයට පත් කිරීමේ සහ මුදල් සංශෝධන පනත් කෙටුම්පත් විවාදයන්හිදී සිය පක්ෂය ඊට විරුද්ධව ඡුන්දය ප‍්‍රකාශ කිරීමට තීරණය කර ඇති බව ජනතා විමුක්ති පෙරමුණේ නායක අනුර කුමාර දිසානායක මහතා ඊයේ (05 වැනිදා) සඳහන් කළේය.

ජනාධිපතිවරයා මහජන ආරක්ෂක පනතේ දෙවැනි කොටසේ පස්වැනි වගන්තිය බලාත්මක කොට ප‍්‍රකාශයට පත්කර ඇති හදිසි නීතිය පිළිබඳ පාර්ලිමේන්තු විවාදය අදද, මුදල් ඇමැති බැසිල් රාජපක්ෂ මහතා විසින් ඉදිරිපත් කර ඇති මුදල් සංශෝධන පනත් කෙටුම්පත හෙටද විවාදයට ගැනීමට නියමිතය.

හදිසි නීතිය පිළිබඳ පනත බල උන්මාදයෙන් ගෙනා පනතක් බවටත්, මුදල් සංශෝධන පනත කළු සල්ලි සුදු කර ගැනීමට ගෙනෙන පනතක් බවටත් චෝදනා කළ අනුර කුමාර දිසානායක මහතා මෙම සියල්ලෙහි අරමුණ බලය සහ ධනය ඉහළ නංවා ගැනීම යැයිද කීවේය.

ජනතා විමුක්ති පෙරමුණේ නායක අනුර කුමාර දිසානායක මහතා ඊයේ 05 වැනිදා එම අදහස් පළ කළේ පැලවත්ත බත්තරමුල්ලේ පිහිටි එම පක්ෂ ප‍්‍රධාන කාර්යාලයේ පැවති මාධ්‍ය හමුවකදීය.

0 comment
0

Related Posts

Leave a Comment