Home ක්‍රීඩා පුවත් සිම්බාබ්වේ දඟ පන්දු යවන්නාට තහනමක්

සිම්බාබ්වේ දඟ පන්දු යවන්නාට තහනමක්

by Hela news

සිම්බාබ්වේ ක්‍රිකට් කණ්ඩායමේ දඟ පන්දු යවන ක්‍රීඩක රෝයි කායාට පන්දු යැවීමේ තහනමක් පැනවීමට අන්තර්ජාතික ක්‍රිකට් කවුන්සිලය කටයුතු කර තිබේ.

ඔහුගේ පන්දු යැවීමේ ඉරියව්ව නීත්‍යනුකූල නොවන බවට තහවුරු වීම හේතුවෙන් මෙලෙස තහනමක් පනවා ඇත්තේ අන්තර්ජාතික තරගවලදී පන්දු යැවීම සඳහාය.

පසුගිය මාසයේ හරාරේහි පැවැති බංග්ලාදේශයට එරෙහි ටෙස්ට් තරගයේදි රෝයිට පන්දු යැවීමේ ඉරියව්ව සැක සහිත බවට චෝදනා එල්ල වූ අතර, ඔහුගේ පන්දු යැවීමේ ඉරියව්ව විමර්ශනය කළ විශේෂඥ මණ්ඩලයක් විසින් තීරණය කර ඇත්තේ ඔහු පන්දු යැවීමේදී වැලමිට නියමිත අංශක 15 සිමාව ඉක්මවා යන බවයි.

සිය ඉරියව්ව නිවැරැදි කර ගැනීමෙන් පසු ඔහුට යළිත් පරීක්ෂණයකට ඉදිරිපත් වී තහනම ඉවත් කර ගැනීමට අවස්ථාව තිබේ.

0 comment
0

Related Posts

Leave a Comment