Home ක්‍රීඩා පුවත් ශ්‍රී ලංකා – කොදෙව් පළමු ටෙස්ට් තරගයේ තෙවැනි දිනයට වැස්සෙන් බාධා

ශ්‍රී ලංකා – කොදෙව් පළමු ටෙස්ට් තරගයේ තෙවැනි දිනයට වැස්සෙන් බාධා

by Hela news

ශ්‍රී ලංකාව සහ බටහිර ඉන්දීය කොදෙව් කණ්ඩායම අතර පැවැත්වෙන පළමු ටෙස්ට් තරගයේ තුන්වැනි දිනය (23) යි.

නමුත් අධික වර්ෂාව හේතුවෙන් අද දිනයේ තෙවැනි වරුවේ ක්‍රීඩා කිරීමට හැකියාව නොලැබිණි.

ඒ වනවිට සංචාරක කොදෙව් කණ්ඩායම කඩුලු 9ක් දැවී ලකුණු 224ක් රැස්කර තිබුණි.

දිනය ආරම්භකරන විට කොදෙව්වෝ කඩුලු 6 ක් දැවී ලකුණු 113ක් රැස්කරගෙන සිටියහ.

අද දිනයේ පළමු කඩුල්ල ලෙස කයිල් මේයර්ස් ලකුණු 45කට දැවී ගියේ දිමුත් කරුණාරත්න ගේ විශිෂ්ට උඩපන්දු රැකීමක් හේතුවෙනි.

පන්දුයවන්නා ධනංජය ද සිල්වා.

මේයර්ස් ලකුණු 45යි.

ජේසන් හෝල්ඩර් ලකුණු 36ක් රැස්කළ අතර ලංකා පන්දු යවන්නන්ට තදින් පහරදුන් රකීම් කෝන්වොල් ලකුණු 39යි. ඔහු 4 පහර 5ක් සහ එක 6 පහරක් එල්ල කළේය.

පන්දු යැවීමෙන් රමේෂ් මෙන්ඩිස් සහ ප්‍රවීන් ජයවික්‍රම කඩුලු 3 බැගින් දවා ගත්හ.

කාසියේ වාසිය දිනා ගැනීමෙන් අනතුරුව පළමුව පන්දුවට පහරදුන් ශ්‍රී ලංකා ක්‍රීඩකයෝ ලකුණු 386ක් රැස්කළහ.

නායක දිමුත් කරුණාරත්න ලකුණු 147යි.

0 comment
0

Related Posts

Leave a Comment