Home ව්‍යාපාර පුවත් විෂන් කෙයා සිය නවතම ශාඛාව ගාල්ල Ruhunu Hospital හි දී විවෘත කරයි

විෂන් කෙයා සිය නවතම ශාඛාව ගාල්ල Ruhunu Hospital හි දී විවෘත කරයි

by Hela news

ශ්‍රී ලංකාවේ ප්‍රමුඛතම දෘෂ්ටි සේවා සපයන්නා වූ විෂන් කෙයා ආයතනය සිය නවතම ශාඛාව, දකුණු පළාතේ පෞද්ගලික රෝහල් ක්ෂේත්‍රයේ ප්‍රමුඛතම සෞඛ්‍ය සපයන්නා ලෙස කීර්තිමත් නාමයක් හිමිකරගෙන සිටින  Ruhunu Hospital  නව පරිශ්‍රය තුළ දී විවෘත කරන ලදී. මෙම විවෘත කිරීමේ උත්සවයට විශේෂ ආරාධිතයන් ලෙසන් අක්ෂි ශල්‍ය විශේෂඥ වෛද්‍ය හේමමාලි සෙනෙවිරත්න,  Ruhunu Hospital  හි  සම ප්‍රධාන විධායක නිලධාරී රවීන් වික්‍රමසිංහ,  Ruhunu Hospital  හි සම ප්‍රධාන විධායක නිලධාරී ජනිත් ලියනගේ,  Ruhunu Hospital  හි අධ්‍යක්ෂ සී- පී. ඉලේපෙරුම,  Ruhunu Hospital  හි අධ්‍යක්ෂ විශේෂඥ වෛද්‍ය අබේසිරි ගුණවර්ධන සහ විෂන් කෙයා කළමනාකාරිත්වය සහභාගී විය.

කරාපිටිය Ruhunu Hospital හි අක්ෂි සෞඛ්‍ය සේවා වඩාත් වැඩිදියුණු කිරීම සඳහා විෂන් කෙයා ආයතනය එම රෝහල් ජාලය සමඟ සහයෝගීතාවයකට එළඹී ඇති අතර Ruhunu Hospital වෙත පැමිණෙන පාරිභෝගිකයන් සඳහා සිය අක්ෂි හා ශ්‍රවණ සේවාවන් ලබා දීමට බලාපොරොත්තු වෙයි. මෙම නව ශාඛාව හරහා ගාල්ල අවට සිටින සියළුම පාරිභෝගිකයන් හට  ඉහළ තත්ත්වයේ අක්ෂි රෝග පරීක්ෂණ සේවා, ඇස් කණ්ණාඩි සහ අව් කණ්ණාඩි, අක්ෂි කාච, ශ්‍රවණාධාරක සහ ශ්‍රවන පරීක්ෂණ ලබා ගැනීමට හැකි වනු ඇත. ශ්‍රවණ අපහසුතා ඇති පුද්ගලයින් සඳහා අති නවීන උපකරණ භාවිතා කරමින් පළපුරුදු වෘත්තීයවේදීන් මගින් සිදුකරන ශ්‍රවණ පරීක්ෂණ වලින් අනතුරුව, පුද්ගල අවශ්‍යතාවලට සරිලන පරිදි නවතම ශ්‍රවණාධාර මිලදී ගැනීමටත් හැකි වේ.

විෂන් කෙයා සෑම විටම සිය පාරිභෝගිකයන්ගේත්, සේවකයන්ගේත්, සමාජයේත් සුව සෙත පිළිබඳව ප්‍රමුඛත්වයක් දෙන ආයතනයක් වන අතර මෙම කොවිඩ්-19 වසංගත තත්වය හමුවේ සියළුම විෂන් කෙයා ශාඛාවන් රජය සහ සෞඛ්‍ය අමාත්‍යංශය විසින් පනවන ලද ආරක්ෂිත සෞඛ්‍ය ක්‍රියා පටිපාටීන්ට අනුකූලව පවත්වාගෙන යනු ලැබේ.

වසර 30ක් පුරාවට ශ්‍රී ලාංකික අක්ෂි සෞඛ්‍ය ක්ෂේත්‍රයේ උසස් තාක්ෂණය උපයෝගී කරගත් නවීන යන්ත්‍රෝපකරණ භාවිතා කරන පුරෝගාමියා ලෙසින් විෂන් කෙයා ආයතනය සෑම විටම සිය පාරිභෝගිකයන් හට ඉහළ තත්ත්වයේ අක්ෂි රෝග පරීක්ෂණ සේවා, ඇස් කණ්ණාඩි සහ අව් කණ්ණාඩි, අක්ෂි කාච, ශ්‍රවණාධාරක සහ ශ්‍රවන පරීක්ෂණ ලබාදීමට කටයුතු කරයි. විෂන් කෙයා හිදී ඔබට ලොව ප්‍රචලිත ඇස් කණ්ණාඩි සන්නාම, අක්ෂි කාච සන්නාම සහ අව් කණ්ණාඩි සන්නාම ඉතාම සාධාරණ මිලකට මිලදී ගැනීමේ අවස්ථාව හිමිවේ.

0 comment
0

Related Posts

Leave a Comment