Home කාලීන පුවත් යුද හමුදාව, දකුණු කොළඹ මහරෝහලේ ඉදිකල කොවිඩ් ප්‍රතිකාර වාට්ටු සංකීර්ණය

යුද හමුදාව, දකුණු කොළඹ මහරෝහලේ ඉදිකල කොවිඩ් ප්‍රතිකාර වාට්ටු සංකීර්ණය

by Hela news

ශ්‍රි ලංකා යුද්ධ හමුදාව මගින් දකුණු කොළඹ මහාරෝහලේ මහල් 08 කින් යුතු නව ගොඩනැගිල්ලේ 04, 05 සහ 06 යන මහල් හි ස්ථාපනය කරනු ලැබු රෝගීන් 250 ක් සදහා ප්‍රතිකාර කල හැකි කොවිඩ් 19 ප්‍රතිකාර වාට්ටු සංකීර්ණය ආරක්‍ෂක මාණ්ඩලික ප්‍රධානී සහ යුද්ධ හමුදාධිපති ජෙනරල් ශවේන්ද්‍ර සිල්වා සහ යුද්ධ හමුදා සේවා වනිතා ඒකකයේ සභාපතිනිය සුජීවා නෙල්සන් මහත්මියගේ සහභාගීත්වයෙන් අද (අගෝස්තු 26) දින රෝහල් බලධාරින් වෙත භාරදෙන ලදි.

මෙම රෝහලේ රෝහල් වාට්ටු සංකීර්ණය සදහා ශ්‍රි ලංකා යුද්ධ හමුදා යුධෝපකරණ බලකා කර්මාන්ත ශාලාව දොඹගොඩ වෙතින් නිෂ්පාදනය කරන ලද ඇදන් 250 ක ප්‍රමාණයක් සහ මෙට්ට 250 ක්, කොට්ට 300ක් සහ කොට්ට උර 300 ක ප්‍රමාණයක් යුද්ධ හමුදා සේවාවනිතා ඒකකය විසින් පිරිනම ලද අත්‍යාවශ්‍ය ද්‍රව්‍ය සහ සනීපාරක්‍ෂක ද්‍රව්‍ය රාශියක්ද රෝහල් බලධාරින් වෙත ලබාදීම යුද්ධ හමුදා සේවාවනිතා සභාපතිනිය විසින් සිදුකරන ලදි.

යුද්ධ හමුදාධිපතිතුමාගේ උපදෙස් මත යුද්ධ හමුදා සේවාවනිතා ඒකකයේ අධික්‍ෂණය යටතේ ස්ථාපනය කරනු ලැබු මෙම වාට්ටු සංකීර්ණය ආරක්‍ෂක සේනා ආඥාපති (බටහිර) මේජර් ජෙනරල් සුජිව සෙනරත් යාපා සහ 14 සේනාංකයේ සේනාංකාධිපති මේජර් ජෙනරල් ක්‍රිශාන්ත ඥානරත්න සහ බලසේනාධිපතිවරුන්, ඒකක අණදෙන නිලධාරි වරුන්ගේ අධික්‍ෂණය මත ඉතා කෙටි කාලයක් තුල මෙම වාට්ටු සංකීර්ණය ස්ථාපනය කිරිම ශ්‍රි ලංකා යුද්ධ හමුදාවේ භඨපිරිස් විසින් සිදුකරනු ලැබීය.

0 comment
0

Related Posts

Leave a Comment