Home ගොසිප් පුවත් පුබුදු තමා මාෂිගේ අත් දෙකම

පුබුදු තමා මාෂිගේ අත් දෙකම

by Hela news

නිහඬ සෙවණැලි චිත්‍රපටය ගැන කතා කරන්න සතිඅග අරුණ පිනිපලස තුළින් සොඳුරු කතා බහකට පුබුදු සහ මාෂි සම්බන්ධ කර ගත්තා.

නිහඬ සෙවණැලි චිත්‍රපටයට දායක වීම ගැන අපි මුලින්ම හඬ අවදි කළා..

මේ නිර්මාණය වසර හතරකට විතර කලින් කරපු නිර්මාණයක්. මෙහි අධ්‍යක්ෂ සුනිල් ප්‍රේමරත්න මාව හමුවෙන්න ඇවිත් ඔහු කිව්වේ ‘මායා’ චිත්‍රපටය බලලා ඒ අත්දැකීම එක්ක හොරර් කියන ශානරයට අයත් සිනමා නිර්මාණයක් කරන්න හිතිලා තියෙන්නේ කියලා. ඊට පස්සේ ඔහු හරිත් වාසල සමග එකතුවෙලා පිටපත ලියලා මාව හමුවෙන්න ආවා. ඒ පිටපත ගැන අපි සාකච්ඡා කරලා නිර්මාණය කරන්න අපි කැමති වුණා. ඒ ආව වෙලාවක මාෂිව දැකලා තමයි එහි විනූ කියන චරිතයට ආරාධනා කරේ. ඊට පස්සේ තමා ඒ නිර්මාණයට අපි දෙන්නම සහභාගි වුණේ.

May be an image of one or more people, beard, hair, people standing and outerwear

දිගු නිහැඬියාවකට පසුවයි පුබුදුව චිත්‍රපටයකින් දකින්නේ…

සිනමා කර්මාන්තය හැදිලා තියෙන්නේ සමූහයක එකතුවකින්. ඒ තුළ නිර්මාණ, ප්‍රේක්ෂකාගාරය, ප්‍රේක්ෂකයින්ට සිනමා නිර්මාණ බලන්න පුළුවන් අවකාශ තියෙන්න ඕනේ වගේම හොඳ සිනමාශාලා තියෙන්නත් ඕනේ. අපි දන්නවා පාස්කු ප්‍රහාර එක්ක සිනමාශාලා වැහුණා. පසුව ඇති වුණු කොවිඩ් ලෝක වසංගතය එක්ක සිනමාශාලා වැහුණා. දැන් යන්තම් සිනමාශාලා විවෘත කරලා චිත්‍රපට ප්‍රදර්ශනය කරන්න පටන් ගත්තා විතරයි. ඒ එක්කම ගොඩක් නිර්මාණකරුවන් සහ නිෂ්පාදකවරුන් කැමති නැහැ මේ කාලේ තමන්ගේ නිර්මාණ දාන්න. ඉතින් එහෙම තියෙන කාලයක තමයි ජානක රංචාගොඩ නිෂ්පාදකතුමා සහ සුනිල් ප්‍රේමරත්න අධ්‍යක්ෂතුමා බය නැතුව ඉදිරිපත් වෙලා චිත්‍රපටය තිරගත කරන්න පටන් අරන් තියෙන්නේ.

සිනමා රසිකත්වය පුබුදු දකින්නේ වෙනස් විදිහකට…

ප්‍රේක්ෂකාගාරය තමයි හැමදාම අංක එක. ඉතින් ඒ අයට හොඳ නිර්මාණ ලබා දෙන්න අපේ නිර්මාණකරුවන් වග වෙන්න ඕනේ. ඒ වගේම විවිධ වූ ශානරවලට අයත් නිර්මාණ ලංකාවේ සිනමාව තුළ නිර්මාණය විය යුතුයි කියලා මම විශ්වාස කරනවා. එකම හැඩතලයක නිර්මාණ බිහි විය යුතු නැහැ කියන තැන මම ඉන්නේ. ලංකාවේ එක කොමඩි චිත්‍රපටයක් කළාම කොමඩි චිත්‍රපට රැල්ලක් එහෙමත් නැත්තම් එක ඉතිහාස කතාවක් කළාම ඉතිහාස කතා රැල්ලක් නිර්මාණය වූ කාල අපි දැක්කනේ. නමුත් මම කියන්නේ එහෙම විය යුතු නැහැ.

විවිධත්වයෙන් යුතු රසවින්දනයක් ලංකාවේ තියෙනවා. ඒ රසවින්දනයට ගැළපෙන විවිධාකාරයේ චිත්‍රපටි නිර්මාණය වෙන්න ඕනේ. එහෙම වුණාම ලංකාවේ සියලුම ප්‍රේක්ෂකාගාරය සිංහල සිනමාව එක්ක එකතු වෙනවා. එහෙම එකතු වුණොත් විතරයි අපිට අපේ සිනමාව ගොඩ දාන්න පුළුවන් වෙන්නේ කියලා මම හිතනවා.

No photo description available.

පුබුදු චරිතයක් භාර ගන්නවද නැද්ද කියලා තීරණය කරන්නේ බොහොම ප්‍රවේශමෙන්…

පුළුල් වූ විවිධාකාර වූ විෂමත්වයක් සහිත ප්‍රේක්ෂකාගාරයක් ඉන්නේ. ඒ ප්‍රේක්ෂකයා පාරේ සිඟමන් යදින යාචක කෙනෙක් වෙන්නත් පුළුවන් එහෙම නැත්නම් ඉහළ දැනුමක් ඇති විචාරාත්මක බුද්ධියක් තියෙන ප්‍රේක්ෂකයෙක් වෙන්නත් පුළුවන්. මම පෞද්ගලිකව විශ්වාස කරන දෙයක් තමයි රංගන ශිල්පියෙක් වුණාම ඒ විවිධාකාර වූ විෂමත්වයක් සහිත ප්‍රේක්ෂකාගාරයට ගැළපෙන ඔවුන්ගේ සැමගේ රසවින්දනය ගැන හිතන්න ඕනේ. ඉතින් බොහෝ වෙලාවට එක නිර්මාණයක් ඇතුළේ ඔය හැමෝටම රසවින්දනයක් දෙන්න බැරි වෙන්න පුළුවන්. ඒ නිසා රංගන ශිල්පියෙක් විදියට විවිධ වූ නිර්මාණ තෝරා ගන්න සිද්ධ වෙනවා.

විනෝදාස්වාදය සපයන චිත්‍රපට වල රඟපාන්න පුළුවන්. නැත්නම් ගැඹුරු භාවාතිෂය නිර්මාණවල රඟපාන්න පුළුවන්. එහෙම නැත්නම් ඒ දෙකම තියෙන නිර්මාණ වලට දායක වෙන්න පුළුවන්. ඒ නිර්මාණ කෘතිය විසින් ඉල්ලන දේ මොකක් ද කියන එක මත මට මගේ රංගන භූමිකාව හැඩගස්වා ගන්න පුළුවන්. මේ හැම දෙයක්ම කලාව තුළ තිබිය යුතුයි. එකක් උසස් එකක් පහත් කියලා අපිට බෙදන්න බැහැ. ඒ සියල්ල මිනිස් රසවින්දනය ඇතුළේ වන විවිධ ප්‍රභේද.

No photo description available.

ඒ නිසා නළුවෙක්ට සිමා පනවා ගන්න බැහැ නළුවා විසින් ඒ හැමෝටම ආමන්ත්‍රණය කරන්න පුළුවන් වෙන්න ඕනේ. සමහර නිර්මාණ තියෙනවා අපි හිතනවා අවසාන නිර්මාණය හොඳ වෙයි කියලා හිතලා භාර ගන්නා නමුත් එහෙම නොවන නිර්මාණ තියෙනවා. නිර්මාණය තියෙන්නේ නළුවා අතේ නෙවෙයි, නිර්මාණය තියෙන්නේ නිර්මාණකරුවා අතේ. රංගන ශිල්පියෙක්ට කළ හැක්කේ අදාළ චරිතයට උපරිම සාධාරණය කිරීම සහ එය ඉදිරිපත් කිරීම පමණයි.

මාෂිගේ රංගනය ගැන පුබුදු ඉන්නේ සතුටින්…

ඇයගේ පළවෙනි නිර්මාණය වුණේ ද නිව්ස් පේපර් චිත්‍රපටය. ඒ චිත්‍රපටය තුළින් ඇයගේ රංගනය මම දැක්කා. ඒ වගේම ඒ තුළින් ඇය සතු රංගන හැකියාව පවා මම දැක්කා. එදා මට හිතුණේ ඇය තුළ තියෙන දක්ෂතාව පිරිපහදු කරලා ගන්න විතරයි තියෙන්නේ කියලා. උප්පත්තියෙන් ගෙනාපු දක්ෂතාව තියෙනවා කියන එක ඇය පළමු නිර්මාණයෙන්ම පෙන්නුම් කළා. ඇය රංගනයෙන් දායක වුණු තව නිර්මාණයක් තමයි චන්න පෙරේරා අධක්‍ෂණය කරපු යුගාත්‍රා චිත්‍රපටය. ඉදිරියට ඒ චිත්‍රපටය තිරගත වෙද්දී එහි ඇයගේ සුපිරි දක්ෂතාවක් දැක ගන්න පුළුවන්.

May be an image of 2 people and people standing

මේ දිනවල පුබුදුගේ ජීවිතයම වෙලා තියෙන්නේ ‘සම්බුල’.

මේ කාලයේ මගේ රංගන හැරවුම් ලක්ෂ්‍යක් සනිටුහන් වන නිර්මාණයට මට දායක වෙන්න ලැබුණා. මොකද මම මේ නිර්මාණය තුළ ඉගෙන ගත්ත දේ බොහෝයි. දැන් මම සිනමාව ආරම්භ කළොත් වෙනම තැනකින් පටන් ගනී කියලා. ඒ තමයි ජැක්සන් ඇන්තනී මහතාගේ දීර්ඝකාලීන පර්යේෂණාත්මක සිනමා පිටපතකින් නිර්මාණය වන ‘සම්බුලා’ චිත්‍රපටය. මාස තුනක් පෙර පුහුණුවීම් රංග අභ්‍යාස එක්ක හිටියා. සිනමා රංග පාසලකට ගියා වගේ බොහෝ දේවල් ඉගෙන ගත්තා. ජැක්සන් ඇන්තනි මහත්මා සියයට සීයක් ඔහු සතු ශිල්පය දැනුම අපිට ලබා දුන්නා. චරිත තුනක් පමණයි තියෙන්නේ. නමුත් සාමාන්‍ය චිත්‍රපටයකට වගේ දස දහස් ගුණයක් අපි සියලුම දෙනා කැපවෙලා මහන්සි වෙලා ජාත්‍යන්තරය ජයගන්න පුළුවන් විදියේ උසස් කලාත්මක රසවින්දනයක් සහිත චිත්‍රපටයක් අපි රූපගත කරලා අවසන් වුණා. මම විශ්වාස කරනවා මේ වගේ ඊළඟ මට්ටමේ සිනමාවට යා යුතුයි කියලා මම හිතනවා මින් ඉදිරියට ජාත්‍යන්තරය ඉලක්ක කරගත් විශාල පිමි පනින්න වෙනවා ලාංකීය සිනමා කර්මාන්තය ඉහළට ඔසවා තබන්න නම්.

May be an image of 1 person and indoor

පුබුදුට මේ වෙද්දී සිනමා අත්දැකීම් බහුලයි. ඒනිසා පුබුදු එක්ක සිනමාව ගැන දීර්ඝ වශයෙන් අපි කතා කළා. ඒ එක්කම මේ දිනවල තිර ගත වන නිහඬ සෙවණැලිහි විනූ ලෙසින් රඟපාන්නේ මාෂිනේ, ඒ නිසා මාෂිත් එක්ක කතා නොකර කොහොමද..?මාෂිටත් ඉහළ ප්‍රතිචාර ලැබෙනවලු…

කාලෙකින් චිත්‍රපටයක් සිනමාශාලාවල ප්‍රදර්ශනය වෙන්න පටන් ගත්තේ. මේ සිනමා නිර්මාණය එක පැත්තකින් හොරර් ගණයට අයත් චිත්‍රපටයක්. ඒ වගේම තාරුණ්‍යයට ආමත්‍රණය කරන සිනමා නිර්මාණයක් වගේම සමාජයට සොබා දහමට ආදරය කරන්න කියන පණිවුඩය ලබා දෙන ආදර්ශවත් සිනමා නිර්මාණයක්. ඒ නිසා හොඳ ප්‍රතිචාර ලැබෙනවා.

May be an image of 1 person and standing

ජීවිතයම පුබුදු සමග ගෙවන අතරේ චිත්‍රපටයේ පුබුදුගේම ප්‍රේමවන්තිය වෙන්න ලැබීම මාෂිට විශේෂත්වයක්…

මුලින්ම පුබුදු අයියා එක්ක රඟපාන්න කිව්වම පොඩි බයක් දැනුණා. මොකද ඔහු සිනමාව ගැන හොඳ පළපුරුද්දක් තියෙන වෘත්තීය රංගන ශිල්පියෙක් නිසා. හැබැයි එයා එක්ක වැඩ කළ හැමෝම වගේ කියලා තිබ්බේ පුබුදු අයියා එක්ක රඟපාන්න පහසුයි කියලා. ඉතින් මටත් හරි පහසු වුණා. හොඳ සහයෝගයක් ලබා දුන්නා. කොහොමත් හැමදාම මට පිටපතක් ලැබුණත් එයා තමයි මට හැමදේම හොඳින් කියා දෙන්නේ දෙබස් උච්චාරණය පවා. ඒ නිසා ගොඩක් ආසාවෙන් කරපු නිර්මාණයක්.

මේ සිනමා නිර්මාණයේ එක තැනකදී සිප වැලඳ ගැනීමක් තියෙනවා, සාගරට හිටියේ පුබුදු නෙවෙයි නම්..

ඇත්තටම අපි දෙන්නම හිටිය නිසා තමයි ඒ අවස්ථාව අපෙන් ඇහුවේ. ඉතින් අපි කැමති වුණා. වෙන කෙනෙක් හිටියා නම් ඒ කොටස කෙරෙන එකක් නැහැ.

May be an image of one or more people, people standing and outdoors

පුබුදු එක්ක විවාහ වීම ඇගේ රංගනය තවත් ඔපවත් වුණා කියලා තමයි මාෂි කියන්නේ…

මෙහෙමයි. මම පොඩි කාලේ වෙළෙඳ දැන්වීම්වලට දායක වෙලා තියෙනවා. ඊට පසුවත් මට විවිධ නිර්මාණවලට ආරාධනා ලැබුණා. නමුත් පාසල් අධ්‍යාපනය කටයුතු නිසා සම්බන්ධ වුණේ නැහැ. ඊට පස්සේ උසස් අධ්‍යපනයට යොමු වෙලා විවාහ වුණාට පස්සේ තමා නිර්මාණ භාර ගත්තේ. ඒකට අයියා ලොකු පිටිවහලක් වුණා. හරි දේ තෝරා ගන්න සහ අපි ඒ දේට දායකත්වය දෙන්නේ කොහොමද කියන එක සම්බන්ධයෙන්. මගේ අම්මා තාත්තා වුණත් නීති දැම්මේ නැහැ. ඒ වගේම ඒ දෙන්නා වගේම ආදරයක් සහ නීති දාන්නේ නැති කෙනෙක් එක්ක තමයි විවාහ වෙන්න ලැබුණේ. ඉතින් ඒ අතින් මම හරි වාසනාවන්තයි.

මගේ ගමනට ලොකු ශක්තියක් වෙලා තියෙනවා පුබුදු අයියා. මගේ ඉගෙනීම් කටයුතුවලට පවා කාලසටහන් පවා හදලා දෙනවා. ඒ නිසා හරි ලේසියි අයියව මට ලැබුණු එක. කතාවට කියනවනේ එයා මගේ දකුණු අත කියලා. මට නම් එයා තමා මගේ අත්දෙකම. ඒ තරම් ලොකු සහයෝගයක් උනන්දුවක් මගේ ජීවිතේට එයා එකතු කරනවා.

May be an image of one or more people, people standing and outdoors

ඉදිරියට එන්න තියෙන නිර්මාණ ගැන ඇය තුළ තිබෙන්නේ ලොකු බලා පොරොත්තුවක්…

චන්න පෙරේරා අයියාගේ යුගාත්‍රා. බොහොම ආදරණීය වෙනස්ම විදියේ චරිතයක් මට ලැබුණේ. මුළු චිත්‍රපටය පුරාම මට තියෙන්නේ පෙම්වතියගේ චරිතය රඟපාන්න. මම බොහොම ආසාවෙන් කරපු සාර්ථක නිර්මාණයක්. තව චිත්‍රපට තුනකට ආරාධනා ලැබිලා තියෙනවා.

0 comment
0

Related Posts

Leave a Comment