Home විදෙස් පුවත් කොවිඩ් ගැන අමෙරිකාවෙන් අනාවැකියක්

කොවිඩ් ගැන අමෙරිකාවෙන් අනාවැකියක්

by Hela news

මේ වනවිට බොහෝ පිරිසක් එන්නත ලබාගැනීමෙන් හෝ කොවිඩ් වෛරසයට නිරාවරණයවීමෙන් ශරීර තුළ ස්වාභාවිකව ප්‍රතිදේහ ගොඩනැගී ඇති නිසා කොවිඩ් වෛරසය පැතිරීම පහළ යමින් ඇති බව අමෙරිකාවේ පෙන්සිල්වේනියා ප්‍රාන්තයේ පර්යේෂකයන් පිරිසක් පෙන්වාදෙයි.

අමෙරිකාවේ කොවිඩ් දත්ත පදනම් කරගනිමින් මේ බව පෙන්වා දී ඇති අතර ලබන වසරේ මාර්තු මාසය වනවිට වසංගතය ආරම්භ වූ අවදියේ පැවති මට්ටමට අමෙරිකාව ළඟාවනු ඇති බව පර්යේෂකයින් කණ්ඩායමේ අදහසය.

දෛනික ආසාදිතයන් පිරිස ඒ වන විට 9,000ට පහළ අගයක් ගනු ඇති බවත් දෛනික මරණ සංඛ්‍යාව 100ට පහළ අගයක් ගනු ඇති බවත් පෙන්වා දෙන ඔවුන්, ඒ අනුව වසංගතයේ දරුණුතම අවදිය ලබන වසර වනවිට පහව යනු ඇති බව සඳහන් කරයි.

ශීඝ්‍රයෙන් පැතිර යන නව වෛරස ප්‍රභේදයක් බිහිවීමට ඇති ඉඩකඩද අවම බව පර්යේෂණ කණ්ඩායමේ අදහසය.

0 comment
0

Related Posts

Leave a Comment