Home විදෙස් පුවත් අමෙරිකාවේ ගුරු හිඟයක්

අමෙරිකාවේ ගුරු හිඟයක්

by Hela news

කොවිඩ් වසංගතයේ ව්‍යාප්තියෙන් පසු යළි පාසල් විවෘත කළද, ගුරුවරුන්ගෙන් බහුතරයක් පාසලට වාර්තා නොකිරිම හේතුවෙන් දරුවන් දුෂ්කරතාවට පත් වී ඇතැයි අමෙරිකාවෙන් වාර්තා වේ. ගුරුවරුන්ගේ සහ කාර්ය මණ්ඩලයේ අඩුපාඩු සපුරා ගැනීමට ගුරුවරුන් බඳවා ගන්නා බව සඳහන් කළ දැන්වීම් පත්‍රිකා සිසුන්ගේ කෑම අසුරණවල බහා ඔවුන්ගේ මාපියන්ට යැවිමට කැලිෆෝනියා ප්‍රාන්තයේ බලධාරින් කටයුතු කර ඇතැයි වාර්තා වේ. අලුතින් බඳවා ගන්නා ගුරුවරුන්ට වැටුපට අමතරව ප්‍රසාද දීමනා ලබා දෙන බවත් එම දැන්වීම් පත්‍රිකාවල සඳහන් වේ.

නැවත පාසල් විවෘත කළ ද ගුරුවරුන්ගේ නොපැමිණීම හේතුවෙන් සිසුන් දැඩි අපහසුතාවට පත්වී ඇති අතර, කොවිඩ් වසංගතය නිසා ඇති වූ මානසික ආතතිය ඉහළ යෑමෙන් බොහෝ ගුරුවරු විශ්‍රාම ගැනීමට සහ ඉල්ලා අස්වීමට පෙළඹී ඇතැයි එම ප්‍රාන්තයෙන් වාර්තා වේ. කැලිෆෝනියා ප්‍රාන්තය ඇතුළු තවත් ප්‍රාන්ත රැසක පාසල්වල මේ ගුරු හිඟය ඉහළ ගොස් ඇත.

0 comment
0

Related Posts

Leave a Comment