තලෙළු සම නිසා කනස්සල්ලෙන්ද ? සුදු වෙන්න එක එක ජාතියේ cream හොයනවාද? එහෙනම් මේ ලිපිය ඔයාටයි

0
113
අද ගොඩක් මහන්සි දවසක් . Town එක ලං වෙද්දි ම Handbag එක කරට දාගෙන මිනිස්සු අතරින් පතරින් ඇවිදන් Bus එකෙන් බැස්සේ අම්මා උදේම මට බෙහෙත් ගන්න කියලා දුන්න Recite එකත් අතේ තියාගෙනමයි. හවස් උන නිසා මාත් ඉක්මනින් ඇවිදන් Pharmacy එක පැත්තට ගියා. Pharmacy එකේ ඉඳන් එළියට ආව ගෑණු ළමයෙක්ගෙ ඇඟේ හැප්පුනේ මගෙත් ඉක්මන්කම නිසාමයි .ඒ ළමයා අරගෙන තිබ්බ බෙහෙත් ටිකත් බිම වැටිලා…”අනේ සොරි නංගි” කියලා මට ඉබේටම කියවුනා .ඒ එක්කම මාත් බිම නැමුනා බෙහෙත් ටික අහුලන්න….ම්……ම්ම්……බෙහෙත් නෙමෙයි .එක එක Tablets ගොඩක්. මූණට ගාන cream එකකුත් තිබ්බා . මම උදව් කරද්දි , “අනේ කමක් නෑ අක්කේ. මං අහුල ගන්නම් ” කිව්වා. හිනාවෙන් පිරුණු ඒ මූන දිහා බලාගෙනම මං අහුලපු tablets ටික එයා අතට දුන්නා. ” කෙල්ලන්ගෙ ඉතිං පඩි ඉවර වෙන්නේ සුදු වෙන්නනේ අක්කේ ,අක්කා හදිස්සියට පෝලිම අමතක කරල ඇවිල්ල තියෙන්නෙ… දැන් ඉතින් මීටරෙන් ඉන්න ඕනි කාලෙනේ ” කියා ගෙන Pharmacy යේ දොරකඩින් එලියට ගියා. හරිම නිහතමානී වගේම පැහැපත් නංගි කෙනෙක් . ඇයි සුදු වෙන්න හිතන්නේ? ….එයා කොහොමත් ලස්සනයිනේ…පෝලිමේ ඉද්දි මට කල්පනා වුණා.

තලෙළු සම ගැන සමාජයේ ඇසින්

අද කාලේ හුඟක් ගෑණු ළමයින්ගේ මාසික ආදායම ඉවර වෙන්නෙ හුගක් beauty products වලටම තමයි. dark skin එකක් එහෙම නැත්තම් තලෙළු සමක් කියන්නේ වාසනාවක් කියලයි මං අහල තියෙන්නෙ. ඒත් අද සමාජයේ මතයට අනුව හුඟක් අය dark skin එකක් තියෙන අයව වැඩිය Care කරන්නේ නෑ. මොකද අපි පුරුදුවෙලා තියෙනවා දැක්ක පමණින් ආකර්ෂණීය වෙන දේවල් ලස්සනයි කියන්න .
-dark skin එක අද සමාජයට අනුව ඇත්තටම Reject වෙන්න ඕනේ Color එකක්ද ?
-You’re so beautiful කියන වචනය සුදු සමකට විතරක් Branded වුණ දෙයක් ද ?

ලස්සන එහෙම නැත්තම් සුන්දරත්වය කියන්නේ මොකක්ද ?

අද බහුතරයක් නොදන්න ,නමුත් නිතරම කතා වෙන මාතෘකාවක් තමයි මේ “සුන්දරත්වය” කියලා කියන්නේ. සුන්දරත්වය කියන්නෙ: ප්රියමනාප බව, පිරිසිදුකම, පෞරුෂත්වය ,ආකල්ප හා හැසිරීම කියන සංඝටකවල එකතුවටයි . වෙනස් විදිහකට කියනවා නම් ලස්සන කියන්නේ , කවුරුහරි කෙනෙක් දකින්න ප්රිය විදිහට, පිරිසිදුව, හොඳ පෞරුෂයක් ඇතිව, යහපත් ආකල්ප හා නිවැරදි හැසිරීමකින් පරිපූර්ණ කෙනෙක්ටයි .

තලෙළු සමේ ඉතිහාසය

dark skin එක ආසියානුවන් විදිහට අපිට දෙවියන්ගෙන් ලැබුණු තෑග්ගක් . පොඩ්ඩක් කල්පනා කරලා බලන්න ශ්රී ලංකිකයන් විදියට අපි අදටත් ගොඩක් ආඩම්බර වෙන දෙයක් තමයි වාරිමාර්ග එහෙම නැත්තම් වැව්, අමුණු කියලා කියන්නේ. ඈත අතීතයේදී අපේ මුතුන් මිත්තන් වැව්, අමුණු හදද්දි අව්වට ගොඩක් නිරාවරණය වුණා. ඔවුන්ට තිබුණේ දුඹුරු, කළු සමක්. ඒ හමාගෙන එන වියළි සුළඟටයි, දැඩි හිරු රශ්මියටයි ඔරොත්තු දෙන්න තලෙළු සම එයාලට උදව් කරා. මොකද මේ සම “මෙලනින්” නිෂ්පාදනය කරන නිසා හිරු එළියෙන් එයාලා ආරක්ෂා වුණා. ඒ ශක්තිමත් මිනිසුන් නිසා අදටත් අපි ඒ වැව් අමුණු වලින් ප්රයෝජන ගන්නවා .

පෞරුෂත්වය

dark skin එකක් තියෙන කෙනෙක්ගේ පෞරුෂත්වය ගොඩක් ඉහළයි. ඒකට හේතුව තමයි සාමාන්යයෙන් මිනිස්සු පුරුදු වෙලා තියෙන්නේ දැක්ක ගමන් එයාලව ආකර්ෂණය කරගන්න දේවල් වලට .මේ හේතුව නිසාම dark skin එකක් තියෙන කෙනෙක් නිතරම උත්සහ කරන්නේ තමන්ගේ talent එකෙන් skill එකෙන් ඉදිරියට යන්න. බොහෝ දුරට දුඹුරු සමක් තියෙන අයගේ personality එක ගොඩක් ඉහල වෙන්නේ එයාලා නිතරම තමන්ගේ හැකියාව මත විශ්වාසය තියෙන නිසයි.

සෞඛ්‍යය

තලෙළු සමක් ඇති අය පිළිකාකාරයන්ගෙන් ආරක්ෂිතයි .කළු සමෙහි තියෙන ස්ථර වල ඝනත්වය නිසා පිළිකා සෛල වර්ධනය වීමේ අවදානම ගොඩක් අඩුයි . අද වර්තමාන ලෝකයේ බහුතරයක් දෙනා වර්ණ බේදය සලකන්නෙ නෑ. තව ඉදිරියට නම් ඒ දේ කොහොමත් දකින්න වෙන්නේ නෑ .මොකද අද ඉහළ ස්ථානවල මේ හමේ වර්ණය සලකන්නේ නැහැ. ඒ කියන්නේ මේ trend එක, මේ ක්රමය දැන් වෙනස් වෙමින් පවතිනවා. මූලික ආරම්භයක් වශයෙන් අද පිරිසක් සම සුදු කර ගන්නවා වෙනුවට සමෙහි පැහැපත් බව ආරක්ෂා කරගන්න වෙර දරනවා.ඉතින් ඔබටත් තිබෙන්නේ තලෙළු සමක් නම් ඔබ ගොඩක් වාසනාවන්තයි. ස්වභාවධර්මය පවා ඔබේ සමේ පැහැය නිසා ඔබව ආරක්ෂා කරයි.

LEAVE A REPLY

Please enter your comment!
Please enter your name here